Хагари: Итен повик за евакуација на Палестинците во Газа кон југ

Израелската војска денеска соопшти дека нејзините повици до Палестинците во Појасот Газа да се евакуираат кон југ, далеку од главниот фокус на војната против Хамас, сега се итни.

-Во изминатите две недели ги повикувавме жителите на северниот дел на Појасот Газа и градот Газа привремено да се преселат на југ. Поместувањето на југ е за нивна безбедност. Денеска нагласуваме дека ова е итен повик, рече воениот портпарол Даниел Хагари на телевизиски брифинг.

Хагари додаде дека бројот на луѓе за кои е потврдено дека се заложници во Газа по прекуграничниот напад на Хамас врз јужен Израел на 7 октомври се искачи на 239.