Лука е најчесто име во Македонија- ова се најпопуларните имиња за момчиња во Европа

Фејсбук групата „The Language Nerds“ неодамна објави мапа на Европа на која се прикажани најпопуларните имиња за момчиња во секоја земја на Стариот континент.

Најчестото машко име во Македонија е Лука, а истото е и кај Хрватите. Во Србија најпопуларно име за момчиња во моментов е Реља.

Статистиката во регионот вели дека Никола е најпопуларното машко име во Црна Гора, Филип во Словенија, Ноел во Албанија и Давуд во Босна и Херцеговина.

На ниво на цела Европа името кое моментално доминира во неколку земји е Ноа.