Земјотрес рано утринава ја погоди Италија

Земјотрес со јачина од 4,8 степени според Рихтеровата скала утрово ја погоди Италија.

Потресот се случи утринава во 5 часот и 10 минути во провинцијата Фиренца, јавува Република.

Превентивно, сите училишта во Маради денеска ќе останат затворени.

По земјотресот следеше серија од најмалку осум последователни потреси во следните 35 минути. Најсилниот од овие потреси бил со јачина од 2,8 степени, со хипоцентар на длабочина од 7 километри, а се случил на 4 километри западно од Тредоцио, во провинцијата Форли-Чезена, околу 10 километри воздушна линија од Маради.